Подмочани

Историја

Подмочани се наоѓа во источниот дел на територијата на Општина Ресен, на патот кој води од градот Ресен до селото Љубојно, а чиј атар се издига до сртот на планината Баба, каде што се допира со подрачјето на Општина Битола. Селото е сместено во југоисточниот дел на Ресенското Поле, на западното подножје на планината Баба, односно нејзините разграноци Вртешка и Мала Чука, на двете страни на патот Макази-Маркова Нога (македонско-грчка граница).

Најрани податоци за Подмочани се сретнуваат во турски документи во пописот од 1519 година. Во Подмочани имало 68 семејства, 5 вдовици и 7 неженети. Во пописот од 1583 има преглед на семејства, сточен фонд и даночни обврски на населението.

Подмочанци

Галерија: Подмочанци

Самоуправа

• Кон крајот на 1918 година во село Подмочани била формирана општина. Прв нејзин претседател, што останал се до 1927 година, бил Јовановски Пандо од селото Претор. Од 1929 година претседател станал Кажановски Трајко од Подмочани.
• Во периодот 1944-1945 во селото функционирал Општински народно-ослободителен одбор.
• Во периодот 1945-1952 селото функционирал Месниот народен одбор.
• Во периодот 1950-1952 година, селото било седиште на некогашната Општина Подмочани, во која влегувале селата Асамати, Грнчари, Курбиново, Подмочани, Претор и Рајца.
• Во периодот 1952-1955, селото било седиште на тогашната Општина Подмочани, , во која покрај селото Подмочани, се наоѓале и селата Асамати, Горна Бела Црква, Грнчари, Долна Бела Црква, Езерани, Козјак, Курбиново, Претор и Рајца.

Надворешни извори

https://mk.wikipedia.org/wiki/Подмочани

Славе Катин. Преспанска разгледница. Македонска книга. Скопје 2020, 130-134

Јовановски, Владо (2005). Населбите во Преспа (PDF). Скопје: Ѓурѓа. стр. 232–240. ISBN 9789989920554.