Лазе Парговски

ЛАЗАР ПАРГОВСКИ- ПАРГО (02.02.1914- 29.09.1993)

Животопис

• Роден е во с. Претор, во бракот на Санта и Ѓоргија Парговски. Неговиот татко, бестрашен револуционер од познатиот сој Парго е стрелан откако паднал во раце на османлиити. Но откако го фатиле, како на почитуван противник, му ја исполниле последната желба, а тоа е да си го види синот Лазар, кој имал една година. Му го донеле, го држел во своите раце и тоа биле последните мигови пред збогување со животот.
• По смртта на татко си, неговата мајка Санта, која е од родот Димовци/Белевци од Подмочани, се мажи назад во родното село Подмочани за Насте Магдевски, каде Лазар е прифатен исто како негов роден син.
• Член на првата партиска келија формирана во Подмочани во септември 1939.
• Летото 1941 Лазе Парговски преку Мите Богоевски беше снабден со „открит лист” (пропусница за слободно движење), со кој слободно преминуваше од делот на Преспа окупиран од Бугарите, во делот на Преспа окупиран од Италијанците и обратно за да му ја предава собраната членарина (Црвен фонд) на Митета.:120
• Во октомври 1941, во куќата на Кечуловци, партиската ќелија во село Подмочани одржа состанок. Лазе Парговски назначен за секретар на втората партиска келија.
• Член на селскиот воен поткомитет формиран во мај 1942.
• После стрелањето на Косте Кусаковски Лазе и други од селото биле затворени.
• Во септември 1943 Лазе и други од селото бил спроведен во затвор во Ресен.
• Во втората половина на ноември 1943 станува член на народноослободителниот одбор во селото.
• Во април 1944 излегува во партизани.
• Најтешкиот и најмачен период во животот на Лазар Парго му следува со затворањето од досега сосема непознати и нејасни причини во суровото време на Информбирото. Уапсен е на 7.10.1950 а по две години пуштен од озлогласениот Голи Оток, на 12.08.1952 година.
• Спомени: За убиството на Косте Кусаковски.

Галерија

• 
• 
• 
• 
•