Трајко Кажановски

Животопис

Од 1929 година Трајко Кажановски бил претседател на Општина Подмочани.

Убиството на Трајко Кажановски

За убиството на Трајко, Вангел Нечевски Тунелот го раскажа ова:

Пролетта 1943 година. Национално - ослободителната борба во Македонија се повеќе пламнуваше. Битолско-преспанскиот одред „Даме Груев“, формиран во јули 1942 година кај Битола, изврши значајни дејствија на територијата на двете општини и во Егејска Македонија. Борбата се водеше на два фронта: со окупаторот и со домашните предавници. Еден од закоравените домашни предавници во Преспа, Трајан од селото Подмочани, се стави во служба на Италијанците и претставуваше страв и трепет за населението од целиот регион.

Во јуни четата се подготвувала да се пресели од Егејска Македонија на територијата на Преспа. Двајца (Косте Кусаковски и Јордан Наумовски) од Одредот „Даме Груев“ беа испратени да го ликвидираат Трајан - за да се спасат многу селани од неволја. Обидот не успеа, а предавникот Трајан уште повеќе се зацврсти.

Во средината на јуни во Отешево пристигна одредот „Даме Груев“. Вангел Нечевски, Цветан и Старејко доброволно се пријавија да го ликвидираат Трајан. Тие се префрлија во село Подмочани и го начекале во поле со жито покрај патот. Почна да се разденува. Дали Трајан и денес со пушка преку рамо ќе оди во Ресен кај новите господари - Италијанците. Сонцето веќе изгреа високо над Баба, но Трајан не се појави. Борците стануваат нетрпеливи. Дури после осум часот се појавила група луѓе од селото. „Дали е меѓу нив Трајан?“ се прашале меѓу себе и на нивно изненадување дознале дека е и тој меѓу групата селани. Треба добро да се нишани на предавникот! Кога Трајан се приближил на неколку метри на сигналот на Нечевски, одекнале три истрели и предавникот повеќе не станал од земја, а неколку карабинери, кои биле во селото, каде што партизаните сред бел ден го убиле нивниот доставувач, побегнале.