Косте Кусаковски

Косте Кусаковски
Роден	20 март 1923
Место роден	Подмочани
Починат	22 ноември 1942
Место погребан	Подмочани
Сопружник
Деца
Татко	Пере (Петар)
Мајка
Роднини	Киме - брат • Веса - снаа • Дежда - внука • Златка - внука • Митко - внук
Познат

Животопис

Косте Кусаковски (Наумовски) е роден во с. Подмочани и потекнува од земјоделско—печалбарско семејство. Како истакнат активист и револуционер во Народноослободителното движење се вклучува веднаш по окупацијата на земјата. Учествува во поставувањето на основите на скоевската организација и е еден од нејзините први членови, што е формирана во месец септември 1941 год. во неговата родна куќа во с. Подмочани. Истиот месец е примен и за член на КПЈ, а во првата половина на месец јануари 1942 година станува и секретар на Третата партиска ќeлиja во селото.

Во текот на 1941/1942 година неговата куќа беше собиралиште на револуционери и илегалци, каде се одржувани многубројни партиски и состаноци. Како резултат на ваквата активност, во месец февруари 1942 год. е примен за член на реонскиот воен комитет за територијата на Преспа под Италијанска окупација.

Пролетта 1942 година Косте целосно се оддава на спроведување Одлуката за формирање на партизански одред во Преспа. Врши многубројни и одговорни задачи, како прибирање оружје и друг воен материјал. Го прифаќа и префрлува првото јадро за формирање на одред во Преспа, од територијата на Преспа под Италијанска окупација, на територијата под Бугарска окупација.

На 28 авryст 1942 год. беше еден од првите доброволци во Битолско-преспанскиот одред "Даме Груев". Учествува во нападот што Одредот го изврши во с. Сопотско, а потоа со својата група се префрла во родното село каде што се сместyва кај организирани другари и роднини. При обидот за повторно вклучување во Одредот беше откриен од Трајко Кажановски и на измама, ранет во устата. Не можејkи да го поднесе настанот и не сакајќи жив да падне во рацете на непријателот проба да се самоубие. Така беспомошен беше затворен во селото во куќата на Ѓорѓија Кочовски, каде се наоѓале италијанските карабинери, испитyван и измачуван од страна на Италијанската полиција.

Наредниот ден на 22 ноември 1942 година, пред насилно насобраното население во с. Подмочани беше јавно стрелан.

• На почетокот на 1941 година во Подмочани е формирана организација на СКОЈ во која членувале Јордан Наумовски, Косте Кусаковски и Живко Стефановски.
• Во јануари 1942. Во село Подмочани, во присуство на Јосиф Јосифовски - Ѓорче Свештарот (инструктор на ПК KПJ за Македонија) и Ѓоре Велкоски - Косте, формирана е трета келија на КПЈ. За член на КПЈ примен е Косте Кусаковски.
• На 6 јули 1042 беше формиран Битолско-Преспанскиот партизански одред „Даме Груев“. Во Одредот бил вклучен Косте Кусаковски.
• На 15 јуни 1942, со помош на Косте Кусаковски и Јонче Митревски (Курбински?), двајцата од Подмочани, група илегалци од Преспа ја преминале демаркационата линија и се сместиле во Коријата над с. Сопотско.
• На 28 август 1942 во Подмочани пристигна Јосиф Јосифовски - Свештарот и Илија Игевски - Цветан. Договорено беше неколку членови на ПЈ да излезат во партизани заедно со Косте Кусаковски.
• На 18 ноември 1942 борците од одредот „Даме Груев“ Косте Кусаковски и Јордан Наумовски добиле задача да извршат атентат врз Трајко Андреевски - Кажановски. Го фатиле Трајко кога бил на лов, го врзале и разоружиле. Но, поради нивно невнимание, додека Јордан бил на стража Трајко успеал да се одврзе, го нападнал Костета Кусаковски, го ранил и започнал да бега. Јордан пукал по Трајко но не го погодил.

• 
• 
•