Добредојдовте на МедијаВики за Подмочани
Борис Ничов
Животопис
6 септември 1942 - 23 ноември 2020.
Роден е во селото Подмочани, во Преспа, од каде уште како дете, заедно со родителите, заминал за Соединетите Американски Држави. Борис Ничов познато име во македонската заедница во Чикаго како бизнисмен и донатор, бил активен член во македонската православна црква „Свети Кирил и Методиј“ и во македонската заедница во тој дел на Илиноис, од почетокот до денешни дни. Борис е почитувана личност не само во Чикаго, туку и во своето родно Подмочани, во Преспа и во Македонија, бидејќи тој е еден од значајните донатори на својот роден крај.
Со Указ бр.43 од 16.7.2013 година, претседателот на Република Македонија, господинот Ѓорѓе Иванов го одликува иселеникот Борис Ничов за неговиот значаен придонес за афирмација на Република Македонија во светот и унапредување на пријателските односи и соработката со Соединетите Американски Држави.[1]
Погребан е во Clarendon Hills Cemetery, Darien, DuPage County, Illinois, USA.
Продуцент
Првиот долгометражен филм на глумецот Бред Пит е „The Dark Side of the Sun“ (Темната страна на сонцето) 1988. Филмот е американско-југословенска копродукција, во режија на Божидар Николиќ, во кој Бред Пит ја игра неговата прва главна улога како млад човек во потрага по лек за страшната болест на кожата. Режисерот Божидар Николиќ го избра Бред Пит од 400 кандидати за главната улога. Улогата на неговата мајка ја игра познатата Милена Дравиќ. Главниот продуцент и финансиер на филмот е Подмочанецот Борис Ничов. Во филмот има улога и за неговиот син Коста. Бред Пит беше многу среќен за изборот и Борис Ничов му платил 1.523 долари за седум недели снимање во Далмација. Николиќ вели дека филмот потоа бил одложен поради недостаток на забавна вредност. Филмот беше објавен директно на видео во 1997 година. [2]
