Добредојдовте на МедијаВики за Подмочани
Ефтим Ристевски
Од Подмочани
Ефтим Ристевски.
Син на свештеникот Спиро Ристевски.
Животопис
- Роден 13.8.1914 во с. Нивици, Егејска Македонија.
- Во октомври 1941, во куќата на Кечуловци, партиската ќелија во село Подмочани одржа состанок во присуство на Јосиф Јосифовски - Ѓорче Свештарот. Секретар на првата келија беше Ефтим Ристевски.
- Есента 1941, во куќата на Борис Шушевски во Подмочани, Ефтим Ристевски - секретар на партиската келија во селото, се состана со Кузман Јосифовски - Питу од Прилеп член на ПК КПЈ за Македонија. На состанокот се дискутираше за положбата во делот на Преспа под италијанска окупација.
- Есента 1941, набавно-потрошувачката задруга во село Подмочани се користеше како место за масовна политичка работа меѓу населението. Со задругата раководеа членови на КП и симпатизери кои беа во одборот на задругата. По директива на Мите Богоевски, за раководител на задругата беше поставен Ефтим Ристевски.
- Во декември 1941 во Ресен пристигнаа двајца илегалци од Прилепскиот партизански одред: Ѓоре Велкоски - Милан и Илија Игески. Подоцна двајцата илегалци се легализирале и биле прифатени во Подмочани кај Ефтим Ристевски и Киме Шушевски.
- Февруари - март 1942. Ефтим Ристевски од село Подмочани, минувајќи по граничниот појас (по партиска задача), беше фатен од бугарската воена патрола и приведен во граничната караула кај ресенските гробишта. Таму беше сослушан и малтретиран, му беше одземен „откритиот лист” во кој стоеше дека живее во село Сопотско, а беше му го издал Мите Богоевски, тогаш вработен во Општината Јанковец.
- На 6 јули 1942 беше формиран Битолско-Преспанскиот партизански одред „Даме Груев“. Во Одредот бил вклучен Ефтим Ристевски.
- Во јули 1942 од италијанската полиција беа притворени Ефтим Ристевски и Симо Несторовски во полиција во Царев Двор. Поради немање докази беа ослободени.
- Во август 1942 Ефтим Ристевски повторно е затворен во Подмочани и спроведен во Корчанскиот затвор.
- Во мај 1943 излегол во партизани во составот во одредот „Даме Груев“.
- Беше борец во батаљонот „Стив Наумов“, III Бригада.
- Есента 1944 Ефтим Ристевски е назначен политички комесар на Првиот баталјон на Седмата македонска бригада.[1]
Галерија
Наводи
- ↑ Владо А. Ивановски, Ѓорги Танковски - Лилин, Кице Јанкуловски. ''Хронологија на настаните во Преспа (1912-1944)''. Институт за национална историја, Скопје. Битола 1995.
