Добредојдовте на МедијаВики за Подмочани
Никола Стрезовски
Животопис
Никола Ставрев Стрезовски бил општински деловодител во с. Подмочани, инаку демократ по својата политичка припадност.
Во август 1923 година бил убиен по неговото враќање од Ресен за Подмочани, во месноста помеѓу селото Козјак и Белоцрквенска Горица, кај мостот од заседа од качаците-Албанци, предводени од Осман од Царев Двор.
Никола бил одведен во планината Баба и усмртен со отсечување на главата. Главата му била однесена на жупанот во Битола.
Според пишувањето на весникот „Демократија“, од 11 ноември 1923, во број 134 (орган на демократската странка во Белград, убиството било извршено од политички побуди. Луѓето зборувале дека убиството го организирале, преку платените качаци и посредникот Осман, политички противници на Никола, припадници на Радикалната страна.[1]
По 1929 година жупанот Влагит Метковиќ ги исчистил со полиција качаците од Преспа. Тие потекнувале од областа Љума во Албанија, и од струшките села.[2]
