Јане Кочовски

Јане Павлов Кочовски ( 5.1.1869 - )

Животопис

Биографија

Од Анастас Н. Димовски од с. Подмочани. Роден сум на ден 3.2.1879 во с. Подмочани. Ја издавам ова биографија за лицето Јане П. Кочовски од с. Подмочани, кој е роден на ден 5.1.1869 год., да је лицето Јане бил учесник во времето од 1900 год., го спомагал покретот на Илинденското востание со оружје давање на четите и храна, како и пренесување илегалци од едно село во друго, како до Сопоцко, Златари, Рајца и други села. Пренесување на писма и оружје за самите чети кој се припрема се до 1903 год. дури заврше самата борба.

Истиот Јане П. Кочовски учестуваше во сите борби, како Шуленци на калето, Подмочанска планина, и тогаш се уби Кочо Илијев Кочовски и Раде Јанкучев. После кога заврше таја борба се пребацивне во Кривенската планина, го најдовне Сарафов војвода и ни сетија Турците, отворија голем оган и се разделивме. Поново дојдовне Подмочанска планина. Тамо се сретивне со Арсов војводата, Георги Сугарев и еден непознат Ацко (Трајков) војвода, и поново отвориме оган со Турците 1 ден цел. Во таја борба најпрву се удривме со Турците Шуленци и Подмочани, и тогаш нашето село Подмочани го изгорија, кој ни изгорија сите кујки и останавне надвор со нашите деца и фамилии.

Истиот Јане Кочовски во сите борби беше и со пушка се бореше за целото време дури водиме борби. Одговорен небеше, но беше борец.

По некоје време некој ден се даде заповед од раководителите, односно војводите да се растуриме кој како знеме. Тогаш се расплака Арсов војводата и није се разделивме и се предадовме. За сето горе наведеното се потпишувам.

Неписмен.

(Оттисок од прст)