Леон Вогрич

Животопис

Леон Валентин Вогрич е роден на 6 ноември 1921 година во село Чигињ, општина Толмин во близина на Нова Горица, Словенија, под италијанска окупација. На 11 јануари 1941 година стапува на отслужување војни рок во италијанската армија. Покасно е прекомандуван во Албанија во село Дреново во близина на Корча. Тука беше заедно со неговиот другар Југ Валентин од Нова Горица. Во месец јуни 1942 година дезертира од италијанската војска и се поврзува со албанските комунисти, и преку нив е прифатен од партиската организација во село Подмочани, сместен во илегалство со помош на Ефтим Ристовски и Јордан Наумовски. Во летото 1942 година оди во партизани во одредот „Даме Груев“. Пролетта 1943 година фатен е и ликвидиран од бугарските власти. Неговиот другар Југ Валентин стапува во Првата македонско-косовска ударна бригада.

После војната, во една прилика кога Ефтим Ристовски бил на одмор во Макарска, Хрватска, решил да го посети Југ Валентин во Нова Горица. Заедно со Југ отишол да ја посети и мајка му на Леон, каде исто така се запознал и со негови другари.