Добредојдовте на МедијаВики за Подмочани
Ѓорѓи Ивановски
Од Подмочани
Животопис
- Ѓорги (Георги) Ивановски роден е на 25 октомври 1913 година во Подмочани.
- Дипломирал на педагошка група на Филозофскиот факултет.
- Учител во Подмочани.
- Во 1939. Ѓорѓи Ивановски бил повикан во Битола од Јосиф Христовски- Ѕвончаро и таму добил задача да формира партиска организација, а при тоа да се работи конспиративно.[1]:79
- Кон крајот на 1939 година претседател на Здружението на учителите во Преспа стана Ѓорѓи Ивановски.[1]:85
- Во јануари 1940 година Ѓорѓи Ивановски и Петар Здравковски учествуваа на педагошката недела за стручно усовршување на учители, организирана во Белград.[1]:87
- Делегат на Првото и Второто заседание на АСНОМ. (Георги Ивановски)
- По војната е избран за пратеник во Уставотворното собрание на НР Македонија.[2] Тој е секретар на комисијата за задруги при Владата на НР Македонија и раководител на сектор во Главниот задружен сојуз на Република Македонија и одговорен уредник на весникот „Народна Задруга“. Тој е потпретседател на Сојузот на просветните работници на Социјалистичка Република Македонија. Работи во Заводот за развој на воспитно-образовната работа.[3]
Наводи
- ↑ 1,0 1,1 1,2 Владо А. Ивановски, Ѓорги Танковски - Лилин, Кице Јанкуловски. Хронологија на настаните во Преспа (1912-1944). Институт за национална историја, Скопје. Битола 1995.
- ↑ Македонска енциклопедија, том II. Скопје, Македонска академија на науките и уметностите, 2009. ISBN 978-608-203-024-1. с. 1541.
- ↑ Jugoslovenski savremenici: Ko je ko u Jugoslaviji. Beograd, Hronometar, 1970. s. 376.
