Добредојдовте на МедијаВики за Подмочани
Ѓорѓи Шушевски
| Ѓорѓи Шушевски | |
|---|---|
| Роден | 22 април 1921 |
| Место роден | Подмочани |
| Починат | 1 септември 1944 |
| Место погребан | неизвесно |
| Сопружник | |
| Деца | |
| Татко | Вангел |
| Мајка | Флора |
| Роднини | Гена - Сестра • Милева - Сестра |
| Познат | |
Ѓорѓи (Георгија, Ѓоргија) Шушевски роден е во село Подмочани. Произлегувал од селско земјоделско семејство. Основното училиште го завршил во родното ceлo. Уште пред окупацијата на земјата од членовите на неговото потесно семејство имал можност да се запознае со напредното револуционерно движење. Бил напреден младинец и во месец септември 1941 година со формирањето на СКОЈ во селото бил еден од првите членови. Извршувал повеkе партиски задачи што му биле поставувани, пренесувал писма, прифаќал илегалци, собирал оружје и друг воен материјал. Со група на членови на СКОЈ од селото учествувал во подметнувањето бомба во станот на Албанскиот претседател на општината во с. Подмочани. По капитулацијата на Италија и со навлегувањето на Бугарскиот окупатор на овој дел од Преспа, а поради неговата револуционерна активност бил провален и заедно со неколку негови соработници затворен во Бугарскиот участок во Ресен. По дваесетдневно испитување, мачење и тепање а поради немање на доволно докази за неговата активност бил ослободен од затворот.
Во НОБ стапил во април 1944 година во составот на Првата Македонско—косовска народноослободителна ударна бригада на слободната територија во македонските села во Албанија. Бил пушкомитралезец во првиот баталјон на првата чета на бригадата. Загинал во борбите за ослободување на Кичево на 1 септември 1944 година.
- Во март 1939 година учителот Петар Здравковски по своја иницијатива во с. Подмочани формира младински актив во состав Живко Стефановски, Ѓорѓи Шушевски и Милан Шушевски.[1]
- Член е на СКОЈ од 1941.
- На 14-15 јануари 1944 примен е за член на КПМ.
Галерија
Споменик на загинати борци од Подмочани
Споменик на загинати борци од Подмочани
Наводи
- ↑ Владо А. Ивановски, Ѓорги Танковски - Лилин, Кице Јанкуловски. ''Хронологија на настаните во Преспа (1912-1944)''. Институт за национална историја, Скопје. Битола 1995.
